Տուր դեպի արևոտ Հայաստան

Դիմավորում օդանավակայանում

Տուրի մեկնարկը՝ 10: 00

Երևան - Չարենցի կամար - Գառնու տաճար - Գեղարդավանք - Լավաշի թխման վարպետաց դաս - Երևան

Նախաճաշ հյուրանոցում․ առաջին կանգառը Չարենցի կամարն է, որտեղից բացվում է հիասքանչ տեսարան դեպի Արարադ լեռը։ Շարունակելով մեր ճանապարհը հասնում ենք Գեղարդավանք, որը վեր է խոյանում հսկայական ժայռերի մեջ։ Վանքի սկզբնական կառույցը ամբողջովին քանդակված է ժայռից, որը նրան հաղորդում է խորհրդավոր տեսք։ Այստեղ է պահվել այն նիզակը՝ Գեղարդը, որը Լոնգինը մխրճել է Հիսուս Քրիստոսի կողը, որպեսզի ստուգի վերջինիս մահացած լինելը։  Հաճորդ կանգառը Գառնու հեթանոսական տաճարն է, որը միակ գոյություն ունեցող կոթողն է Հայաստանում, որը հիշեցնում է մեր հեթանոսական անցյալի մասին։ Օրվա գեղեցիկ ավարտը լինում է թոնրի շուրջ՝ թխելով և համտեսեով ավանդական հայկական լավաշը։

Տուրի տևողությունը 5-6 ժամ

Տուրի մեկնարկը՝ 09: 00

Երեվան – Գյումրի – Հառիճավանք – Յոթ Վերք – Սբ Նշան – Սբ Ամենափրկիչ – Ձիթողցոնց թանգարան – Սև Բերդ - Երևան

Մեր էքսկուրսիան սկսում ենք Հայաստանի մշակութային մայրաքաղաքից։ Ավերիչ երկրաժարժից հետո Գյումրին ՛արունակում է ապրել, բայց այն անջնջելի հետք է թողել քաղաքի և իր բնակիրների վրա։ Վարդանանց հրապարաում գտնվող երկու եկեղեցիներն էլ կրում են իրենց վրա երկրաշարժի հետքերը․ Սբ Ամենափրկիչ եկեղեցին դեռևս վերանորոգվում է ր նրա գեղեցկությունը կարոց ենք գնահատել միայն արտաոին տեսքից։ Յոթ Վերք եկեղեցու պաշտոնական անունը Սուրբ Աստվածածին է, բայց այն տեղացիների մոտ հայտնի է որպես Յոթ Վերք՝ ի պատիվ Մարիամ Աստվածածնի նկարի, պատկերված Ղուկաս Ավետարանչի կողմից։ Քաղաքային տուրի շրջանակներում կայցելենք Ալեքսանդապոլ ամրոցի ռազմական համալիրի մաս կազմող նշանավոր Սև բերդը։ Գյումրու պատմամշակութային նշանակություն ունեցող, նաև ֆիլմերից ճանաչված շենքերը, որոնք համարվում են քաղաքի այցեքարտը, մեր երթուղին կդարձնեն էլ ավելի տպավորիչ և հագեցած: Գյումրու մշակությը լիովին ընկալելու համար կայցելենք Ձիթողցյանների թանգարանը։ Մեր օրը վերջին այցելավայրը կլինի Հառիճավանքը։ Հետաքրքրականն այն է, որ վանքը կառուցելիս օգտագործել են տարբեր երանգների մեծ քարեր: Արդյունքում վանքի պատերը ստացել են անսովոր գեղեցկություն, որի ամբողջական տեսքը ամփոփվում է նուրբ քանդակներով։

Տուրի տևողությունը 10-11 ժամ

Տուրի մեկնարկը՝ 09: 00

Երեվան – Էջմիածին – Մայր Աթոռ – Սբ Գայանե – Սբ Հռիփսիմե – Էջմիածնի գանձարան – Զվարթնոց - Երևան

Սկսում ենք մեր օրը Հայաստանը հոգևոր մայրաքաղաքից: Առաջին կանգառը Սուրբ Հռիփսիմե եկեղեցում: Այն վաղ միջնադարյան Հայաստանի հոգևոր կառույցների առավել կատարելագործված օրինակներից է, համարվում է հայկական եկեղեցաշինությանը բնորոշ խաչաձև հատակագծով կառույցներից առաջինը: Շարունակելով մեր ուխտագնացությունը կայցելենք Սուրբ Գայանե եկեղեցի, որը դասվում է VII դարի հայկական փայլուն ճարտարապետական կոթողների շարքին: Կույսերին նվիրված այս եկեղեցիները գտվում են ՅՈՒՆԵԿՕ-ի կազմում։ Էջմիածնի Մայր տաճարը համարվում է աշխարհի ամենահին քրիստոնեական շինություններից մեկը: Եկեղեցին կառուցվել է չորրորդ դարի սկզբին՝ 301-303 թթ․՝ քրիստոնեությունը որպես պետական կրոն ընդունելուց հետո, Գրիգոր Լուսավորչի կարգադրությամբ։ Կառուցվել է նախապես գոյություն ունեցող տաճարի տեղում՝ խորհրդանշելով հեթանոսությունից քրիստոնեության անցումը։ Օրը շարունակում ենք հայկական վաղմիջնադարյան ճարտարապետության գլուգործոց համարվող Զվարթնոց տաճար այցելությամբ, որն ընդգրկված է ՅՈՒՆԵՍԿՕ-ի Համաշխարհային մշակութային արժեքների ցանկում։ Ավարտում ենք օրը բացահայտելով Երևանը։ Կունաենանք զբոսանք հին փողոցներով, կզմայլվենք գեղեցիկ ճարտարապետությամբ, իսկ երեկոյան կհիանանք Կասկադից բացվող քաղաքի շքեղ տեսարանով:

Տուրի տևողությունը 5-6 ժամ

Տուրի մեկնարկը՝ 10: 00

Երևան - Ծաղկաձոր - Կեչառիս վանական համալիր -  Սևանա լիճ -  Սևանավանք - Իշխան ձկան խորովածի վարպետաց դաս - Երևան

Նախաճաշ հյուրանոցում, որից հետո շարժվում ենք դեպի Ծաղկաձոր, այն հիանալի վայր է քաղաքի շոգից փախչելու և բնության գրկում հանգստանալու համար։ Ծաղկաձոր առողջարանային քաղաքը այցելուներին զարմացնում է ոչ միայն շքեղ բությամբ, ժամանակակից մարզահամալիրների և նորավոճ հյուրանոցների և ռեստորանների առկայությամբ, այլ նաև ճարտարապետական տեսարժան վայրերով, որոնցից մեկը Կեչառիս վանքն է: Այն  միջնադարյան Հայաստանի նշանավոր կրոնական ու մշակութային կենտրոն է։ Օրը կամփենք ընկղմվելով Ծաղկաձորի չքնաղ բնության մեջ, որը սփռվում է աչքի առաջ ճոպանուղուց։ Մեր օրը կավարտենք Սևանա լիճ այցելությամբ, որտեղ էլ կունենաք իշխան ձկան խորովածի վարպետաց դաս:

Տուրի տևողությունը 7-8 ժամ

Տուրի մեկնարկը՝ 10: 00

Երևան – Խոր Վիրապ – Նորավանք – Թռչունների քարանձավ –  Գինու համտես Հին Արենի գինու գործարանում - Երևան

Նախաճաշ հյուրանոցում։ Սկսում ենք մեր օրը Խոր Վիրապ այցելությունից։  Վնքի անվանումը բառացիորեն նշանակում է «խորը զնդան»: Ամենայն հայոց առաջին կաթողիկոսը՝ Սուրբ Գրիգոր Լուսավորիչը, այստեղ 13 տարի բանտարկվեց քրիստոնեության քարոզչության համար` հայ հեթանոս թագավոր Տրդատ III- ի հրամանով։ Վանքից բացվում է հոյակապ տեսարան դեպի բիբլիական Արարատ լեռը։ Շարունակելով ճանապրհը հասնում ենք Նորավանք։ Ժայերի մեջ վեր խոյացող այս վանքը ճարտարապետ Մոմիկի գլուխգործոցն է համարվում։ Չկա ավելի լավ տեղ ապացուցելու համար մեր հազարամյա անցյալը՝ քան թռչունների քարանձավը։ Այստեղից են գտնվել գինու հինավուրց հնձանները և առաջին ոտնամանը, որը այսօր պահվում է պատմության թանգարանում։

Տուրի տևողությունը 8-9 ժամ

Տուրի մեկնարկը՝ 10: 00

Երևան – Սեվանա լիճ – Հաղածին – Գոշավանք – Հին Դիլիջան - Երևան

Նախաճաշ հյուրանոցում։ Սկսում ենք մեր օրը Հայաստանի կապույտ մարգարիտը հանդիսացոց Սևանա լճից։ Այն գտնվում է ծովի մակերևույթից 1900 մ բարձրության վրա՝ երկրագնդի քաղցրահամ ջուր ունեցող 2-րդ բարձրադիր լիճն է։ Դեպի լիճ գեղեցիկ տեսարան է բացվոմ Սևանավանքից, որը կառուցվել է 9-րդ դարում։ Շարունակելով մեր ճանապարհը հասնում ենք Դիլիջան կամ Հայաստանի փոքրիկ Շվեցարիա։ Ծառախիտ անտառների մեջ թագնված Հաղարծնի վանքը ամենայուրահատուկներից է՝ կառուցված սպիակ քարից 10-13-րդ դարերում։ Հաջորդ կանգառը Գոշավանքն է, որը կրում է հայտնի մտավորական և առակագրի Մխիթար Գոշի անունը։ Վանքը դարեր շարունակ եղել է ոչ միայն հոգևոր այլ նաև կրթական կենտրոն։ Մեր օրը կավարտենք Հին Դիլիջանի նեղլիկ փողոցներում զբոսնելով, որը այս անտառային հրաշքի քարե սիրտն է։

Տուրի տևողությունը 9-10 ժամ

Ճանապարհում օդանավակայան