Տուր Հայաստանում 3 գիշեր / 4 ցերեկ

Ամրագրեք հիմա - վճարեք տեղում

Անվճար չեղարկում մինչև 7 օր

Լավագույն գնի երաշխիք

Անհատական էքսկուրսիա

վաճառքի առաջատար

3 գիշեր / 4 ցերեկ

Արժեք՝ սկսած 321 USD

Տուրի ծրագիր՝

Դիմավորում Զվարթնոց օդանավակայանում և տեղավորում Երևանի հյուրանոցներից մեկում: Մի փոքր հանգստից հետո կսկսենք մեր զբոսանքը Երևանով: Կայցելենք Սասունցի Դավթի հուշարձան, Մայր Հայաստանի հուշարձան, որը գտնվում է Հաղթանակ Զբոսայգում, էստեղից է բացվում հիանալի տեսարան դեպի քաղաք: Կշարունակենք մեր զբոսանքը դեպի Երևանի սիրտ՝ Կասկադ համալիր, Գաֆեսճյան արվեստի կենտրոն, Ա. Սպենդիարյանի անվան օպերայի և բալետի թատրոն: 2018 թ.-ին Երևանը կնշի իր 2800-ամյակը:
Երեկոյան մասնակցություն Հանրապետության Հրապարակի երգող շատրվանների շոուին:
Գիշերակացը Երևանում

Նախաճաշը հյուրանոցում։ Տուր դեպի Սյունիքի մարզ։ Առաջին կանգառը կունենանք Արենի գինու գործարանում, որտեղ կհամտեսենք հայկական Արենի տեսակի գինիներ, որից հետո կուղևորվենք Սյունիքի ամենագեղեցիկ ջրվեժներից մեկը՝ Շաքիի ջրվեժը։
Հաջորդ կանգառը կունենանք աշխարհի ամենահին աստղադիտարաններից մեկում՝ Քարահունջ (Զորաց Քարեր)-ում։ Այն թվագրվում է մ. թ. ա. 6-5-րդ հազարամյակներով: Զարմանալիորեն ճշգրիտ դասավորված հսկայական քարերից շատերն ունեն անցքեր, որոնք օգտագործվել են աստղային դիտարկումների համար:
Տուրը կշարունակենք դեպի Տաթևի վանք։ Աշխարհի ամենաերկար ճոպանուղին «ՏաԹևեր» ճոպանուղին (5.7 կմ) կառուցվել է 11 ամիսների ընթացքում: Այն անցնում է Որոտան գետի կիրճի եւ փարթամ անտառներով ծածկված բլուրների միջով: Կպահանջվի մոտ 11 րոպե, որպեսզի ճոպանուղին Հալիձոր գյուղից ուղևորվի դեպի հոյակերտ Տաթեւի վանքը: Ճաշը տեղի ռեստորաններից մեկում:
Տաթև: Սա միջնադարյան Հայաստանի ամենահարուստ վանքային համալիրն է եղել: Բացի հոգեւոր կենտրոն լինելուց, Տաթեւը եղել է նաեւ Սյունաց թագավորության քաղաքական կարեւոր հենակետ: Վանքի ռազմավարական ձեռնտու դիրքը եւ անառիկությունը նպաստավոր պայմաններ են ստեղծել այստեղ պաշտպանական ամուր կառույցներ ստեղծելու համար:
Գիշերակացը Երևանում

Նախաճաշը հյուրանոցում: Տուր դեպի Ծաղկաձոր, որը գտնվում է Կոտայքի մարզում, Երեւանից 60 կմ դեպի հյուսիս, Տեղենիս սարի արեւմտյան լանջին, եւ շրջապատված է կուսական անտառներով ու ալպիական մարգագետիններով: Ծաղկաձորում կայցելենք Կեչառիս վանական համալիրը, որը կառուցվել է 11-13-րդ դարերում: Վանքային համալիրը բաղկացած է չորս եկեղեցիներից, ինչպես նաեւ միջնադարյան քաղաքական գործիչ, վանքի հիմնադիր Գրիգոր Մագիստրոս Պահլավունու այժմ արդեն կիսավեր դամբարանից:
Տուրը կշարունակենք դեպի Սևան, Սևանավանք: Սևանալիճը Հայոց լեռնաշխարհի հմայքն ու մարգարիտը հանդիսացող Սեւանը Կովկասի ամենախոշոր եւ աշխարհի ամենամեծ բարձրադիր քաղցրահամ լճերից մեկն է: Գտնվում է ծովի մակարդակից մոտ 1900 մետր բարձրության վրա: Լիճն ունի հրաբխային ծագում եւ շրջապատված է մինչեւ 3000 եւ ավելի մետր բարձրության հասնող լեռնաշղթաներով: Սեւանավանքը կառուցվել է 874թ. Աշոտ Բագրատունու դուստր` Մարիամ իշխանուհու պատվերով:
Ճաշը տեղի ռեստորաններից մեկում:
Վերադարձ Երևան:

Նախաճաշը հյուրանոցում: Տուրը կսկսենք Գեղարդի վանական համալիրից՝ հայկական միջնադարյան ճարտարապետության հրաշալի նմուշ (XII-XIIIդդ.), ՅՈՒՆԵՍԿՕ-ի Համաշխարհային ժառանգության օբյեկտ:
Ճաշը Գառնու գյուղական տներից մեկում, մասնակցություն հայկական լավաշի պատրաստմանը:
Այցելութուն Գառնու հեթանոսական տաճար, որը հեթանոսության ու հելլենիզմի շրջանից պահպանված միակ հուշարձանն է Հայաստանում: Հետ վերադարձի ճանապարհին կանգառ կանենք «Չարենցի կամար» հուշարձանի մոտ, որտեղից հիանալի տեսարան է բացվում դեպի Արարատ լեռը:
Տուրը կշարունակենք դեպի Վաղարշապատ (Էջմիածնի Մայր տաճար, Սբ. Հռիփսիմե, Սբ. Գայանե): Երեւանից 20 կմ հեռավորության վրա է գտնվում Հայ Առաքելական եկեղեցու կենտրոնը` Էջմիածինը: Էջմիածնի Մայր Տաճարը հիմնադրվել է 4-րդ դարի սկզբին եւ աշխարհի հնագույն եկեղեցիներից է:
Այցելություն Զվարթնոցի տաճար: Անձեռակերտ այս տաճարը Հայաստանի 7-րդ դարի ճարտարապետների հմտության եւ խիզախ մտահղացման արգասիքն է: Եռահարկ այս շինությունը կառուցված լինելով ընդամենը մի քանի սյուների վրա` 3 դար շարունակ կանգուն է եղել: Երբ 20-րդ դարի սկզբին կատարած պեղումների արդյունքում հայտնի ճարտարապետ Թորոս Թորամանյանը ներկայացրեց Զվարթնոցի վերականգնման մոդելը, շատ քչերը կարողացան այն ընդունել, քանի որ դժվար էր հավատալ, որ 7-րդ դարում հնարավոր էր կառուցել նման շինություն: Եվ հենց այդ ժամանակ էր, որ Փարիզի Սեն Շապել եկեղեցու բարձրաքանդակներից մեկն ապացուցեց ճարտարապետի տարբերակը` բարձրաքանդակը պատկերում է Զվարթնոցը` Նոյան տապանի հետ եւ այն ճիշտ Թորամանյանի մոդելի տեսքն ունի: Տաճարը ընդգրկված է ՅՈՒՆԵՍԿՕ-ի ցանկի մեջ:
Ճանապարհում օդանավակայան: