Տուր դեպի Հայոց այբուբենի հուշարձան, Հովհաննավանք, Մուղնիի եկեղեցի, Տեղերի վանք

Ծրագիր

Առաջին կանգառը կլինի Մուղնու Սբ. Գևորգ եկեղեցին։  Այն 13-15-րդ դդ. եղել է հայտնի ուխտատեղի է եղել, որտեղ նաև ձեռագրեր են ընդօրինակվել։ 1632-1655 թթ. վանքի առաջնորդ Մարտիրոս եպիսկոպոսը քանդել է արդեն խարխուլ եկեղեցին ու մյուս շինությունները և կառուցել նորը՝ երկու զույգ մույթերով եռանավ բազիլիկը, պարիսպներ, խցեր։  Այնուհետև կայցելենք Հովհաննավանք. հոյակերտ վանական համալիրը գտնվում է անմիջապես ժայռի պռնկին, որտեղից բացվում է շքեղ տեսարան դեպի Քասախի կիրճը: Իր չափերի և բարդ ճարտարապետական հորինվածքի շնորհիվ այն համարվում է միջնադարյան եզակի պատմական հուշարձաններից մեկը։ Վանքը հիմնադրել է Սբ. Գրիգոր Լուսավորիչը և հենց այստեղ հողին հանձնել Հովհաննես Մկրտչի մասունքները։ Հաջորդ կանգառը Տեղերի վանքն է: Այն գտնվում է Արագած լեռան հարավ-արևելյան լանջին՝ համանուն գյուղում։ Հիմնադրվել է XIII դարում։ Վանքը բաղկացած է 1213 թվականին կառուցված գմբեթավոր Աստվածածին եկեղեցուց և 1221 թվականին Ավելացված գավիթից ։ Օրվա վերջում կայցելենք "՛տառերի պուրակ", հայոց այբուբենին նվիրված հուշարձանը։

Տևողությունը՝ 5-6 ժամ