Տուր դեպի Գառնի, Գեղարդ, Չարենցի կամար, Քարերի Սիմֆոնիա

Ծրագիր

Առաջին կանգառը Չարենցի կամարն է, որտեղից բացվում է հիասքանչ տեսարան դեպի Արարադ լեռը։ Շարունակելով մեր ճանապարհը հասնում ենք Գեղարդավանք, որը վեր է խոյանում հսկայական ժայռերի մեջ։ Վանքի սկզբնական կառույցը ամբողջովին քանդակված է ժայռից, որը նրան հաղորդում է խորհրդավոր տեսք։ Այստեղ է պահվել այն նիզակը՝ Գեղարդը, որը Լոնգինը մխրճել է Հիսուս Քրիստոսի կողը, որպեսզի ստուգի վերջինիս մահացած լինելը։  Հաճորդ կանգառը Գառնու հեթանոսական տաճարն է, որը միակ գոյություն ունեցող կոթողն է Հայաստանում, որը հիշեցնում է մեր հեթանոսական անցյալի մասին։ Հետո մեզ սպասում է բնության իրական հրաշքը Քարերի սիմֆոնիան: Հուշարձանը բաղկացած է հսկայական սիմետրիկ վեցանկյուն եւ հինգանկյուն բազալտե սյուներից (մոտ 50 մետր բարձրությամբ), որոնք, թվում է թե ձեռքով են պատրաստված, իրենց արտասովոր համաչափության պատճառով: Գառնու կիրճի այս հատվածը ձևավորվել է բարձր ճնշման պայմաններում, հրաբխային լավայի սառեցման և բյուրեղացման արդյունքում:

Տևողությունը՝ 4-5 ժամ: