ԽՄԲԱՅԻՆ ՏՈՒՐ ԶԱՆԶԻԲԱՐ

Հայկական Խմբային տուր Զանզիբար 

Օրերը՝ 17․11․2026-26․11․2026

Օր 1․ Մեկնում  Զվարթնոցից   հայախոս խմբի ղեկավարությամբ,

          - Դիմավորում Զանզիբարում 

          - Տեղափոխություն Riu Jambo 4* հյուրանոց և հանգիստ։

Օր 2․ 

           -Նախաճաշ հյուրանոցում

           - Ռուսախոս գիդի ուղեկցությամբ էքսկուրսիա Ստոուն Թաուն -Պրիզոն կղզի -Նակուպենդա 

     Առավոտյան  հարմարավետ տրանսպորտով կուղևորվենք դեպի Սթոուն Թաունի նավահանգիստ։Սթոուն Թաունում կայցելեք Անգլիկան տաճար, նախկին ստրկատներ և ստրկության զոհերին նվիրված հուշարձան։ Այս այցելությունը հնարավորություն կտա ավելի լավ ծանոթանալ մինչև 19-րդ դարը ստրկության պատմությանը և ստրուկների կյանքին։Այնուհետև նավակով կուղևորվեք դեպի Prison Island, որը հայտնի է նաև որպես Չանգու (Changuu) կամ Կրիաների կղզի (Turtle Island)։Կղզու գլխավոր տեսարժան վայրերից են հսկայական Ալդաբրայի ցամաքային կրիաները։ Դուք ժամանակ կունենաք կերակրելու, շոյելու և անմոռանալի լուսանկարներ անելու այս եզակի կենդանիների հետ։Այնուհետև նավակով կուղևորվեք դեպի Նակուպենդա (Nakupenda Sandbank), որը հայտնի է նաև որպես «Անհետացող կղզի», քանի որ այն ջրի մակերևույթից երևում է միայն մակընթացությունների միջև՝ օրվա որոշ ժամերին։ Նավի վրա Ձեզ կմատուցվեն թարմ արևադարձային մրգեր և զովացուցիչ ըմպելիքներ։Նակուպենդա հասնելուց հետո կունենաք հանգստի և լողափնյա ժամանցի հնարավորություն։ Էքսկուրսիայի ամենահամեղ մասը ծովամթերքով խորոված ճաշն է, որը կներառի լոբստեր, ծովախեցգետին, կաղամար, ութոտնուկ, թարմ ձուկ և խավարտներ՝ պատրաստված գրիլի վրա։Երբ մակընթացությունը սկսի ծածկել ավազային կղզին, նավակով կվերադառնաք Սթոուն Թաուն, որտեղ կանցկացվի քաղաքային շրջայց։ Քայլարշավի ընթացքում կտեսնեք քաղաքի հայտնի արաբական և հնդկական փորագրված դռները, Հին ամրոցը, ինչպես նաև լեգենդար Ֆրեդի Մերկուրիի ծննդավայրը և բազմաթիվ այլ պատմամշակութային տեսարժան վայրեր։Կունենաք ազատ ժամանակ հուշանվերների գնումների, տարադրամի փոխանակման կամ ինքնուրույն զբոսանքի համար։

       -Վերադարձ Հյուրանոց, ընթրիք և գիշերակաց։ 

Օր 3․ Ազատ օր վայելեու ծովափնյա հանգիստը․

-Նախաճաշ

-Ճաշ

-Ընթրիք

Օր 4․ Էքսկուրսիա դեպի Մնեմբա Կղզի

-Նախաճաշ հյուրանոցում 

-Էքսկուրսիա դեպի Մնեմբա կզղի

Մնեմբան Զանզիբարի արշիպելագի 75 գեղատեսիլ կղզիներից մեկն է։ Կղզին շրջապատող կորալային խութերը համարվում են աշխարհի լավագույն վայրերից մեկը դայվինգի և սնորկելինգի սիրահարների համար։Հենց այս պաշտպանված ջրերում հազվագյուտ ծովային կրիաները ձվադրում են, իսկ հազարավոր տեսակի գունեղ ծովային կենդանիներ ու ձկներ ստեղծում են ստորջրյա անհավանական աշխարհ՝ սպասելով Ձեր բացահայտմանը։

Ձեզ կտրամադրվի սնորկելինգի համար անհրաժեշտ սարքավորումները (դիմակ, խողովակ և լողաթաթեր), ինչպես նաև հնարավորություն կունենաք ընտրելու համապատասխան չափսը։ Այնուհետև նավակով կուղևորվեք Հնդկական օվկիանոսի ջրերով դեպի Զանզիբարի գեղատեսիլ կորալային խութերը։ Առաջին կանգառի ընթացքում կսուզվեք Մնեմբա ատոլի ամենագեղեցիկ հատվածներից մեկում։ Փիրուզագույն ջրերը կբացահայտեն օվկիանոսի հարուստ ստորջրյա աշխարհը՝ գունեղ կորալներով, արևադարձային ձկներով և այլ ծովային կենդանիներով։ Առաջին լողից հետո նավի վրա կմատուցվի թեթև նախաճաշ՝ թարմ մրգեր, խորտիկներ և խմելու ջուր, որպեսզի վերականգնեք ուժերը մինչև հաջորդ սուզումը։

Այնուհետև կկատարվի երկրորդ կանգառը, որտեղ կրկին հնարավորություն կունենաք ուսումնասիրելու կորալային խութերը, դիտելու հազվագյուտ ձկնատեսակներ և վայելելու ստորջրյա աշխարհի անկրկնելի գեղեցկությունը։Հագեցած և տպավորություններով լի օրվա ավարտին նավակը Ձեզ կվերադարձնի ափ, որտեղից հարմարավետ տրանսֆերով կտեղափոխվեք Ձեր հյուրանոց։

-Վերադարձ հյուրանոց, ընթրիք և գիշերակաց։

Օր 5․ Ազատ օր վայելելու օվկիանոսը 

-Նախաճաշ

-Ճաշ

-Ընթրիք

Օր 6․ Ազատ օր/ Էքսկուրսիա ըստ ցանկության դեպի Տանզանիա՝ Ազգային Պարկ  Սելուս 

-Նախաճաշ հյուրանոցում 

Սելուսի արգելոցը Հարավային Տանզանիայի ամենատպավորիչ բնական տարածքներից մեկն է, որը գրավում է բնության սիրահարներին, սաֆարիի երկրպագուներին և լուսանկարիչներին աշխարհի տարբեր անկյուններից։Սելուսը վայրի բնության իսկական աշխարհ է, որտեղ ճեղքված հողատարածքները, հզոր բաոբաբ ծառերը և Ռուֆիջի գետի արագահոս ջրերը ստեղծում են անկրկնելի բնական լանդշաֆտներ։Մոտ 50,000 քառակուսի կիլոմետր տարածք զբաղեցնող Սելուսը Աֆրիկայի ամենամեծ պահպանվող բնական տարածքներից մեկն է և համեմատաբար քիչ է ենթարկվել մարդու ազդեցությանը։ Այստեղ կարելի է հանդիպել առյուծների, փղերի, ընձուղտների, գետաձիերի և կոկորդիլոսների խոշոր պոպուլյացիաների։

Վաղ առավոտյան հարմարավետ տրանսպորտը Ձեզ կհանդիպի հյուրանոցում և կտեղափոխի դեպի օդանավակայան։ Փոքր ինքնաթիռով կթռչեք դեպի Սելուսի ազգային պարկ, որտեղից կսկսվի Ձեր անմոռանալի սաֆարիի արկածը։ Վայրէջք կկատարեք ազգային պարկի այն հատվածում, որտեղ կենտրոնացած է վայրի կենդանիների ամենամեծ քանակը։Վայրէջքից անմիջապես հետո կտեղափոխվեք սաֆարիի ջիպ և առանց հավելյալ ճանապարհ անցնելու կսկսեք շրջագայությունը ազգային պարկում։ Սա թույլ է տալիս առավելագույն ժամանակ հատկացնել կենդանիների դիտարկմանը։ Օրվա ընթացքում արգելոցի տարածքում կմատուցվի ճաշ։ Ճաշից հետո սաֆարին կշարունակվի, և Դուք կրկին հնարավորություն կունենաք հետևելու կենդանիների կյանքին նրանց բնական միջավայրում, դիտելու Աֆրիկայի հարուստ կենդանական աշխարհը և վայելելու վայրի բնության անկրկնելի տեսարանները։ Սաֆարիի ավարտից հետո կտեղափոխվեք օդանավակայան, որտեղից ներքին չվերթով կվերադառնաք Զանզիբար։

Օր 7․ Ազատ օր վայելելու ծովափնյա հանգիստը

-Նախաճաշ

-Ճաշ

-Ընթրիք

Օր 8․ Հրաժեշտ և մեկնում 

-Նախաճաշ հյուրանոցում

-Տրանսֆեր դեպի  օդանավակայան