Խմբային տուր Պետերբուրգ

⭐⭐Հերթական հայկական խմբային տուրը դեպի Սանկտ Պետերբուրգ։

Հոկտեմբերի 7 - 14, 8 օր / 7 գիշեր։ Կեցություն քաղաքի կենտրոնում, հայկական խումբ հայ ուղեկցողի հետ։

 

Մեկ անձի մասնակցության արժեքը մինչև սեպտեմբերի 25-ը ամրագրելու պարագայում (հետագայում կարող է վերանայվել փոխարժեքի տատանումների դեպքում)`

⭐⭐⭐⭐Катарина Арт, 4* հյուրանոցում (հյուրանոցը գտնվում Նեվսկի պողոտայի կենտրոնում, մետրոյի կայարանների դիմաց՝

Մեկ անձը երկտեղանոց համարում – 169,000 դրամ

Մեկ անձը մեկտեղանոց համարում – 225,000 դրամ

 

Արժեքը ներառում է՝

✅Կեցություն քաղաքի կենտրոնում, յոթ գիշեր, նախաճաշով

✅Դիմավորում օդակայանում և ճանապարհում

✅Հայ ուղեկցող տուրի ողջ ընթացքում

✅Միացում ռուսական խմբին և մեկնում ռուսախոս զբոսավարի հետ դեպի Պետերգոֆ ու Յուսուպովյան պալատ

✅Այցելություն Սբ Իսահակի ու Քրիստոսի Հարության տաճարներ, Էրմիտաժ, ծրագրում ներառված այլ թանգարաններ ու տաճարներ

✅Զբոսանավով զբոսանք քաղաքի գետերով ու ջրանցքներով

‼❌Արժեքը չի ներառում՝ ավիատոմսը (վաղ ամրագրման դեպքում՝ սկսած 119,000 դրամից) կորոնավարակի թեսթավորումը (մեր ուղեգրի առկայության դեպքում 12,000 դրամ), քաղաքային տրանսպորտը։

 

⭐⭐⭐

Խմբային տուրի մանրամասն ծրագիրը։

Հոկտեմբերի 7, հինգշաբթի - Ժամանում Սանկտ Պետերբուրգ, դիմավորում օդակայանում, տեղափոխում հյուրանոց։ Ազատ ժամանակ հյուրանոցում։

 

Հոկտեմբերի 8, ուրբաթ - Օրը կսկսենք այնտեղ, որտեղ 1703 թվականին հիմնադրվել է Սանկտ Պետերբուրգը, կայցելենք Պետրոպավլովյան ամրոց, կզբոսնենք ամրոցի տարածքում, կտեսնենք քանդակների հետաքրքիր հավաքածուն, այդ թվում Պետրոս Մեծի ամենաինքնատիպ քանդակը։ Ուղիղ ժամը 12։00 ամրոցի տարածքում հնչում է թնդանոթային զարկ, որին հետևելու համար հավաքվում է բավականին մեծ ամբոխ։

Ամրոցից հետո կքայլենք դեպի քաղաքի կենտրոն, կանցնենք հանրահայտ Պալատական կամրջով, կտեսնենք Եկատերինա II կողմից Պետրոս I նվիրված Медный всадник անձանը, կհիանանք Իսահակի տաճարի տեսարանով, որից հետո կայցելենք Սբ․ Իսահակի տաճար։ Տաճարի ներսում կունենանք մոտ 30 րոպե տևողությամբ էքսկուրսիա տաճարի զբոսավարների կողմից։

 

Հոկտեմբերի 9, շաբաթ – Օրը կսկսենք հենց քաղաքի սրտից՝ հանրահայտ Նեվսկի պողոտայից։ Կզբոսնենք պողոտայով, կծանոթանանք առավել հայտնի շինությունների, կամուրջների ու տաճարների հետ։ Կայցելենք հայկական Սբ Կատարինե եկեղեցի, առաջնորդանիստ Կազանյան տաճար, ինչպես նաև Պալատական հրապարակ, որտեղ գտնվում է կայսերական ընտանիքի գլխավոր նստավայրը՝ Ձմեռային պալատը։ Օրվա ընթացքում կայցելենք նաև ճարտարապետական գլուխգործոցներից մեկը՝ Քրիստոսի Հարության տաճարը (Спас на Крови).

 

Հոկտեմբերի 10, կիրակիՊետերբուրգում ամեն քայլի կարող եք հանդիպել պալատների։ Ռուսական ամենահարուստ իշխանական տոհմերը քաղաքի կենտրոնում կառուցել են հաճախ անգամ մի քանի պալատ։ Ռուսախոս խմբին միանալով և ռուսալեզու զբոսավարի կողմից կծանոթանանք քաղաքի պալատների պատմությանը, կայցելենք ամենագեղեցիկ պալատներից մեկը՝ Յուսուպովյան պալատը։ Պալատի ներսում կունենանք էքսկուրսիա, կտեսնենք հատուկ իշխանական ընտանիքի համար կառուցված Յուսուպովյան թատրոնի ապշեցուցիչ ներքին հարդարանքը։

Օրվա վերջին՝ զբոսանք դեպի Նեվա գետ, որտեղ կհետևենք քաղաքի ամենագեղեցիկ կամուրջի՝ Պալատական կամուրջի բացմանը։ Մեկնում ոտքով (հյուրանոցից կեսգիշերին), վերադարձը ոտքով կամ տաքսիով։

 

Հոկտեմբերի 11, երկուշաբթի – Պետերբուրգի ամենագեղեցիկ ադամանդներից է համարվում Պետերգոֆը։ Ի սկզբանե Պետրոս Առաջին կայսրը ցանկացել է նմանակել հանրահայտ Վերսալյան այգիներին և հրամայել է կառուցել նմանատիպ այգիներ Պետերգուրգի մատույցներում։ Արդեն հետագայում շատերը կփաստեն, որ Պետերգոֆն իր գեղեցկությամբ բնավ չի զիջում Վերսալին, իսկ որոշ տեխնիկական առումներով անգամ գերազանցում է Վերսալը։ Այստեղ կունենանք զբոսավարով զբոսանք հանրահայտ այգիներում, որից հետո նաև ազատ ժամանակ՝ նկարահանումների համար։ (Պետերգոֆի պալատական համալիրի այցելություն նախատեսված չէ)։

 

Հոկտեմբերի 12, երեքշաբթիՑանկության դեպքում, օրվա առաջիկ կեսին կունենանք զբոսանք, որի ընթացքում կբացահայտենք քաղաքի թաքնված անկյունները։ Կանգ առնելով Ձմեռային ջրանցքի մոտ և հիանալով Հյուսիսային Վենետիկի տեսարաններով, ժամը 13։00 – 13։30 կսկսենք ջրային զբոսանքը զբոսանավով։ Ժամը 15։00 – այցելություն Էրմիտաժ՝ աշխարհի հինգ խոշորագույն թանգարաններից մեկը։ Էրմիտաժում կարող եք լրացուցիչ գումարի դիմաց վերցնել աուդիոգիդ և ինքնուրույն վայելել թանգարանի հարստությունը։

 

Հոկտեմբերի 13, չորեքշաբթի – Ազատ օր քաղաքն ինքնուրույն վայելելու համար։ Ցանկության դեպքում կարող եք այցելել քաղաքում վերջերս բացված Ֆաբերժեի թանգարան, որտեղ ի թիվս հանրահայտ ոսկերչական գլուխգործոցների, կարող եք հիանալ նաև հայազգի ծովանկարիչ Այվազովսկու կտավներով։

 

Լրացուցիչ – կարող եք մեկնել Ցարսկոյե սելո, այցելել հանրահայտ Եկատերինյան պալատը, որտեղ է գտնվում նաև Սաթե սենյակը (Янтарная комната): Ուղևորության արժեքը 2,700 ռուբլի, խնդրում եմ ցանկացողները գրանցվեն նախօրոք։

 

Հոկտեմբերի 14, հինգշաբթի – Տրանսֆեր օդակայան։

 

 

 

Հաշվի առնելով այն, որ տեղերը սահմանափակ են, խնդրում ենք նախօրոք կապվել մեզ հետ և գրանցվել:

Տեղերն ամրագրելու համար զանգահարել.

Ամրագրել +374 91 711 555

Ամրագրել +374 41 711 555

Ամրագրել +374 43 711 555

Book Now+374(43) 711 555


ԲԱԺԱՆՈՐԴԱԳՐՎԵԼ ՆՈՐՈՒԹՅՈՒՆՆԵՐԻՆ