Մուսա լեռ

Միջերկրական ծովի ափին՝ Մուսա լեռան հարակից տարածքում կային վեց հայկական գյուղեր, որոնց բնակիչները 1915թ. կոտորածների ժամանակ բարձրանում են լեռան վրա եւ քառասուն օր շարունակ հերոսական պայքար մղում թուրքերի դեմ: Ահա այս իրադարձություններն է նկարագրել ավստրիացի գրող Ֆրանց Վերֆելը իր հայտնի "Մուսա Լեռան Քառասուն Օրը" վեպում: Կոտորածից փրկված եւ աշխարհով մեկ սփռված նախկին մուսալեռցիներից շատերը 1947թ. եկան Արեւելյան Հայաստան ու այստեղ հիմնեցին իրենց փոքրիկ ավանը, ուր 1976-ին բացվեց խիզախ մուսալեռցիների հիշատակը հավերժացնող հուշարձանը: